الرئيسية » » وانتي معايا | محمد الشرقاوي

وانتي معايا | محمد الشرقاوي

Written By Unknown on الاثنين، 29 ديسمبر 2014 | 6:38 ص


وانتي معايا 
 محمد الشرقاوي


لما الحرف بيرفض ييجي
بجري عليكي اوام واندهلك
يتهيألي بتمسكي ايدي
حرف بحرف وانا بشرحلك
وافرد رمشي سطر بسطر
وابص في عينك اه وانا بضحك
ولما اغمز لك
بلقا ورود الشوق علي خدك
طارحة جمالها احمر في احمر
بنسي الدنيا و انا وياك
محسش ابدا لما انا بسرح
فجأة بلاقي صوت يناديني
يالا ياقلبي تعالي اتعشي
والله ده كله عمايل ايدي
يالا قوام كل واتهنــــــــي
متقابلين نقعد علي السفرة
والعة الشمعة وبتترقص
اناولك لقمة وتناولينـــي
يمر الهوا بنسمة حب
شايل طرحة فيها الرحمـــة
بعيش وياكي اجمل جنة
اجي اتكلم بتشاوريلي
اعرف ان عيونك فاهمــة
اني بقول ربنا يحميكــي
ويطرح لي فيكي البركــــة
ما انتي حبيبتي ونور عيني
حب حياتي دنيا وأخـــرة
انتي الأنثي اللي اتخلقت
جوة كيانها كل الرحمـــــة
تنور دربي وتشيل اسمي
وتفرش بيتي بكل مودة
دا هو الحب اللي اتوصينا
وحفظناه من قرآنــــــــا
عمري ما اكون يوم ابدا قاسي
الرجولة مش بالقسوة
عيشوا الحب بحب في حب
حتلاقوا الدنيا مش سيعاكم
تحسوا انكوا عايشين بالجنة
وانتي ياقلبي الله يخليكي
بعيش وياكي بأجمل جنــة




التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.