بقلب مين
محمدعبدالرحيم
بقلب مين
بتحبنى
وبحضن مين
بتضمنى
حتى الدموع
اللى انت
بيها قابلتنى..
مش منك انت
يادى الأمان
اللى فى عينيك..
يادى الحنان
اللى فى ايديك
كان فين وامتى
............
إن كان داقلبك
كنت ليه
خليتنى اقدر
ارفضه
لوكان دا إحساسك
كمان..
ليه كنت عنى
بتبعده
ليه الندم..
دلوقت بتحسه
بندم
صورلك الإخلاص
لقلبى اللى
إتظلم
كان كل حلم
حلمته..
بيساوى الألم
آه من عذاب الشوق
لكلمة ماقولتها..
عزت علية
وبين شفايفى
جرحتها
حتى الليالى
بدمعى ليك لونتها..
مع كل دقة قلب
منه جرحتنى
يادى الأمان
اللى فى عينيك..
يادى الحنان
اللى فى إيديك..
كان فين وإمتى
............
كان فين الأمان والحنان دول من زمان..وليه كنت مخبيهم عنى.. كل حاجة فيك بشوفها دلوقت متغيرة..حتى دموعك واحاسيسك واحلامك .. متغيرة..انت متأكد إنك تبقى إنت.. متأكد ان دا قلبك .. ودى دموعك..ودا حضنك..وانك مش حد تانى
