من حقنا
محمدعبدالرحيم
من حقى اعيش..
من حقها
تنسى الدموع..
انسى الألم
لو لحظتين
من حقها..
تحلم بحضن يضمها
من حقى
احضن حلمها
ونعيش حياتنا
فى همستين
..........
قالت بحبك..قلت انا
اكتر واكتر
قولت ان عرفتى
قد إيه انا بعشقك..
قالت وحبك
عندى اكتر
قولت لها ياام القلب لبيض..
ياوردة صحاها الندى..
لما نزل ع الغمزتين
خايف تكونى امنية..
حلم وخيال
يللى بربيعك قلبى
راجع من غياب ..
عدى العذاب
الجرح والحزن اللى طال
زيك دى مين..
زيك دى مين
دا انتى اللى خدتينى
بعينيكى
من نهايتى ووحدتى..
من غربتى
وبقيتى من بعد الأسى..بعد الندم
حلمى وربيعى ودنيتى
قالت لى ياقمرى
اللى فى عيونك انا..
بحلم ببيت
إن كنت انا حلمك
ربيعك ..دنيتك
تبقى انت اجمل
مارأيت
خد قلبى..
خد عمرى اللى باقى
ودنيتى..
مابقيتش محتاجة النهاردة لأى شيئ ..
لما انت جيت
فاجأتنى دمعة من عينيها
مسحتها..
قوى..قوى
ضحكت عينيها حضنتها..
قوى..قوى
وفهمت ليه بتحبنى..وبحبها..
قوى..قوى
مايكونش ليه من حقنا..
نحلم نعيش..
نحلم نعيش..
نحلم نعيش
..........
وليه فعلا مايكونش من حقنا نحلم نعيش..ولا احنا اتعودنا ع الحزن والأسى..وعذاب الجراح..وضياع الأحلام ..
من النهارده لازم نحلم..لازم نعيش
